Rückreis & Bday!

Kalispera, min liebste Nic und happy Birthday! Wow, was für en Tag. Am dim Geburi isch üsen Haiflug vo Kreta. Vo üsem wunderbare Elternurlaub. En ganze Tag reise, mit Mittelohrentzündig Matti, Schnupfe Meli, wenig Schlof und Packstress. Wenigstens hemmer gstartet mit emene Kerzli uf eme Banane"törtli". Und scho simmer im fancy Taxi an Flughafe gfahre, 2h im Flugzüg uf de Landebahn am warte gsi, denn endlich chöne flüge, no mitem zug hai, das Gepäckgelage irgendwie hai brocht und irgendwenn nudelfertig aber glücklich wieder i üsem schöne dehai acho. Sogar vo dinere Family am Bhf SG überrascht worde! Ez denn beidi Kids is Bett bringe und denn ruhig duredchnuufe. Und denn Kueche esseeeeee!

Schön, das es di git und i scho öppe d hälfti vo dim Lebe törf a dinere siite sii. Du bisch min liebste Mensch und es fägt eifach mit dir. Sogar so strengi täg wie hüt. I freu mi uf no ganz ganz viel geburtstäg mit dir. So viel werdeds nämli gar nüme sii! Vielicht nur no so 30 - 40 mol. :-)

Drum gits au hüt, noch sonere lange reis, no e chüechli und es gläsli sprudel zum di fiire. I lieb di!